Владимир Чимитдоржиев 1956 оной февралиин 6-да Агын аймагай Шулуутай нютагта түрэһэн.
   Владимир Лхамаевич 1975 ондо Агын багшанарай училищи дүүргээд, Будаланай дунда һургуулида эхин шатын ангида багшалһан байна.
   1976-1977 онуудта «Орлёнок» бүхэроссиин пионернүүдэй лагерьта пионервожатаар хүдэлһэн.
   1980-1983 онуудта Бабу лама Агын дасанда хубараг ябаа. Багшань Аюр лама гээд байһан. 1987 ондо Монголой Улаан-Баатар хотодо Занабазарай нэрэмжэтэ буддын шажанай дээдэ һургуули дүүргээ һэн. Бабу лама Агын Буряадай автономито тойрогой Захиргаанай Толгойлогшо ябаһан Баир Жамсуевай ба Гүрэнэй Дүүмын депутат Иосиф Кобзоной дэмжэлтээр Агын дасанай дэргэдэ Агын буддын шажанай һургуули нээһэн, Агын эмнэлгын колледж байгуулһан юм. Олон жэлдэ Бабу лама Россиин буддын шажанай заншалта Сангхын түрүүлэгшын 1-дэхи орлогшын – дид хамба ламын тушаал эзэлжэ ябаа.

You have no rights to post comments