Мүнɵɵ сагта үндэһэтэнэй заншал һэргээгдэнэ, ёһо гурим, наада зугаа, аман зохёол г.м. үргэн арадта харуулха, дэлгэрүүлхэ, залуушуулда дамжуулха зорилготой уран һайханай бүлгэмүүд байгуулагдана.
1986 ондо Агын аймагай заншалта «Зунай нааданай» хэмжээндэ аман зохёолой бүлгэмүүдэй хоорондо түрүүшынхеэ мүрысɵɵн соносхогдоо һэн. Тиихэдэ би Гүнэй нютагайнгаа соёлой байшанда уран һайханай хүтэлбэрилэгшɵɵр хүдэлжэ байгааб. Нютагай эдэбхитэд, наһанай амаралтада гараһан ветеранууд сугларжа, дуутай, хүхюун зугаатай наада бэлдээ бэлэйбди. Тиигэжэ аман зохёлой бүлгэм байгуулагдаһан байна. Тэрэ үеын эдэбхитэй хабаадагшад хэд бэ гэхэдэ: Пагма Санжаева, Цыпелма Цыденова, Долгор Даримаева, Чимит Долгорова, Цыпелма Дулмаева, Хандажаб Намжилова, Чимит Цырендашиева, Долгор-Цырен Батожаргалова, Норжимо Дамдинова, Должин Дамбаева, Норжимо Базарова, Димит-Ханда Цырендашиева, Мэри Мункуева, Бутит Сухэбаторова, Лхамажаб Цыбенова, Цыден-Дамба Будажапов, Вале-рий Гындынцыренов, Баирма Болотова, Мыдыгма Гурожапова, Мария Санжижапова, Светлана Зориктуева, Цырен-Ханда Ринчинова. 1987-2005 онуудта дээрэ нэрлэгдэһэн эрмэлзэлтэй ахай, абгайнар уран һайханай бүл-гэмэй бүридэлдэ элдэб олон мүрысөөнүүдтэ хабаадажа, амжалта туйлажа ябаһан.
Галина ДОЛГОРОВА,
Гүнэй нютагай музейн методист,
«Алтан Булаг» бүлгэм байгуулагша.
