Февралиин 12-то Баян Сагаан хадада «Юндэн шодон» субаргын ба Ага найман эсэгэнэрэй сэргэнүүдэй дэргэдэ сагаагшан түмэр үхэр жэлые угталгын Сагаалганай hайндэр эртэ үглөөгүүр эхилжэ, ламанар олоной түлөө уншалга бүтээгээ, сугларагшад аха захатанаа золгожо, орон дэлхэйдээ hү cэржэм үргөө.
Сагаалганай үдэр.
Yбэр Байгалай хизаарай губернатор Александр Осипов Сагаалганаар агынхидые буряад хэлэн дээрэ амаршалжа, бултанда үреэлэй hайниие хэлээд, аха зондо энхэ мэндэ, залуушуулда ёhо заншалаа сахижа ябахыень хүсөөд, Агын аймагай соёлой түбэй ажалтадта «IVECO» авто-унаагай түлхюур барюулаа. Соёлшодой «Һү үргэлгын» зүжэглэмэл ёһололдо баг үмдэһэн «Үхэр жэл» сугларагшадта халуун мэндэеэ хүргэбэ. Саашадаа Сагаалганай найр наадан, мүрысөөнүүд Ага тосхоной түб талмай дээрэ хүхюу зугаатайгаар үргэлжэлhэн байна.
Жалсан ЛУБСАНДАШИЕВ.
