«Агуу Илалтада зорюулагдаhан хүшөө нютаг бүхэндэ байха ёhотой бшуу. Энэ болбол 76 жэлэй саада тээ баатаршалга гаргаhан сэрэгшэдэй нэрэ мүнхэлжэ, тэдэнэй габьяа дурсалга болоно. Агууехэ Эсэгын дайнда элинсэгэйнгээ ами наhаяа гамнангүй, нютаг ороноо хамгаалжа шадаhан тухай ургажа ябаhан залуушуул мэдэжэ ябаха ёhотой», - гээд Базар Дугаржапов тэмдэглээ.
Хүшөө нээлгын еһололдо. Дулдаргын аймагай сайтын фото.
«Агууехэ Эсэгын дайнай дүүрэhээр 76 жэл үнгэршэбэ. Шуhата зэбүүн дайнда ами наhаяа үгэhэн зоной нэрэ обогууд эндэ ороо. Нютагай зоной hайгаар болон аймагай захиргаанай туhаламжаар энэ хүшөө бодхоогдоо», - гээд Баир Гомбоев үгэ абажа хэлээ.
Һүүлээрнь хүшөөгэй дэргэдэ гүрлөө сэсэг табигдаа.
Түгэсхэлдэнь концерт-наадан эмхидхэгдэhэн байна.
Валентина ЦЫРЕНЖАПОВА.
