Ага һайхан нютагнай
Алдар суутай дуушадтайл.
Аба мэтэ хүндэтэй
Агуу жэшээ багшатайл.
Ашаар ехэ багшамнай
Агуу дуушан Линховоимнай.
Бүхы Буряад араднай
Бэрхэ суутай дуушадтайл.
Бэрхээр һургаа буянтай
Бэлиг түгэс багшатайл.
Түүхын шэмэг болонхой
Түрүү дуушан Линховоимнай.
Дэлхэй дээрэ буряад зон
Дээгүүр суутай дуушадтайл.
Дэмжэн хабынь үргэһэн
Дэлгэр һайхан багшатайл.
Дэлхэй дээрэ алдартай
Дээдэ дуушан Линховоимнай.
