Тиихэдэ дүрбэдэхи фес-тиваль Монголой Дорнод аймагай Дашбалбар hомондо үнгэргэгдэhэн юм. Тэрэ гэhээр бүхэ барилдаан, hур харбалга ба мори урилдаан фестивалиин нюдэ хужарлама хэмжээ ябуулгануудай нэгэн болоhон гээшэ. Бүхэ барилдаан хаа-хаанагүй олон хүнэй хараха эгээл дуратай тамир болоо. Россида, Хитадай Yбэр Монголдо болон Монголдошье барилдаашад ондо ондоогоор мүрысэдэг гуримтай. Теэд хэдэн газар таһарһан буряад угсаатан хоорондоо нэгэ бага илгаатай гуримаар барилдадагынь эли. Энэ асуудал үнихэнэй анхарал татадагшье һаа, үшөөл шиидхэгдээгүй байһан зандаа. 2000 ондо Монголой Дашбалбар hомондо үнгэргэгдэhэн фестивальда Агын тойрогhоо бүхэшүүл түрүүшынхеэ ошожо барилдаhан гээшэ. Шэгнүүрэй илгаа гэжэ байгаагүй. Аглаг hайхан Ага нютагаа түлөөлжэ, Зүдхэли нютагай Россиин тамирай мастернууд Сультим Бадмажапов Алдар Доржиев хоёр барилдаhан байха юм. Мүрысөөнэй гол шангуудта Монголой бүхэшүүл хүртэhэн гэжэ хэлэгдэнэ.
(Үргэлжэлэлынь 13-дахи дугаарта).
Эрдэни ЧИМИТДОРЖИЕВ.
