Тиигэжэ сентябриин 11-эй үдэр Агын Буряадай тойрогой Захиргаанай хүтэлбэрилэгшэ Буянто Батомункуев энэ хугасаа соо хэгдэһэн ажалаараа тоосоо, мүн шагнагшадай асуудалнуудта харюусаа.
Тоосоогоо эхилхэдээ, Буянто Балданжапович нэн түрүүн Захиргаанай байгууламжатай шагнагшадые тобшохоноор танилсуулаа. Ушарынь гэхэдэ, 2020 оной июниин 25-да Агын Буряадай тойрогой Захиргаан тухай шэнэ журам баталагдаһан байна. Ямар һэлгэлтэнүүд хэгдээб, Захиргаан ямар асуудалнуудые шиидхэхэб, саашадаа тойрогой социально-экономическа хүгжэлтэ ямар замаар хараалагданаб г.м. асуудалнууд тайлбарилагдаа.
 
-Иигэжэ тойрогой Захиргаанай байгууламжа хубилгажа, бэелүүлхэ үүргэнүүдыень тодорхойлоогүйдэ, тойрогоймнай дэбисхэр саашадаа хүгжэхэ замуудгүй болоод байна гэжэ сенатор Б.Б.Жамсуевай тойрогой захиргаанай 2018 ондо ябуулһан ажалаар тоосоото суглаан дээрэ анха түрүүн соносхоһыень һананабди, - гээд Б.Б.Батомункуев хэлэбэ. – Мүнөө Захиргаамнай үндэһэн со(л хүгжөөлгэ, социально-экономическа хүгжэлтэ болон заншалта ажахы хүгжөөлгэ – иимэ гурбан шэглэлээр бүхыдөө 29 үүргэ бэелүүлхэ юм. Тэрэ тоодо буряад хэлэ, үндэһэн соел, тамирай үндэһэн янзануудые хүгжөөлгэ, арадай уран урлал дэмжэлтэ, аяншалга хүгжөөлгэ, федеральна үндэһэн программануудые бэелүүлгэ, хонин ажал дэмжэлтэ г.м.
 
Эдэ үүргэнүүдые бэелүүлхэ эрхэ нүхэсэл байгуулхын тула октябриин 1-ээ со(лой зургаан эмхи Захиргаанай мэдэлэй болобо.
Тоосоонһоо тобшо тэмдэглэл - «Толоной» удаадахи дугаарта.

You have no rights to post comments