Ага тосхондо заһабарилагдажа байһан Ленинэй нэрэмжэтэ гудамжын хажуугаар Комсомольская, Степная, Заречная болон Лазогой ба Цыбиковэй нэрэмжэтэ гудамжануудта харгын хүдэлмэринүүд хэгдэхээр хараалагдана.

Могойто тосхондо – Зугалайская ба Бабушкинай нэрэмжэтэ, Дулдарга һууринда Лазогой нэрэмжэтэ гудамжануудта заһабарилгын ажалнууд хэгдэжэ байна. Мүн Амидхааша һууринай зүүн хажуугай гудамжанууд харгын шэнэ хушалтатай болохо.

Мүнөө жэл тойрогой тосхон һуурингуудай гудамжануудай заһабарилгада гол анхарал хандуулагдажа, дүн хамта 80 сая түхэриг мүнгэн гаргашалагдахаар хараалагдаа бшуу.

«Безопасные качественные дороги» гэһэн үндэһэн түлэблэлэй ёһоор, Могойтын аймагай Нуринск һуурин шадархи харгы заһабарилагдаха юм. Гадна тойрогой дэбисхэр дээрэ 18 километр утатай федеральна харгы (866,3 млн. түхэриг) ба Ага тосхондо түмэр-бетонно 2 хүүргэ (125,8 сая түхэриг) баригдахаар хараалагдаһан байна.

You have no rights to post comments