- Анна Андреевна, нютагтнай хүгжэжэ, һаяын сагта ямар барилганууд хэгдэһэн бэ?
   - 2023 оной зун Үбэр Байгалай хизаарта хүдөө һуурингуудай дэбисхэр ба соёл хүгжөөлгын программын хэмжээндэ нютагнай модульно соёлой байшантай болоһон. Мүнөө үеын түхеэрэлтэнүүдтэй байшан гримёрко, фойе, хатарай таһаг, концерт-нааданай танхим болон олон таһагуудтай юм. Ажаһуугшадайнгаа сүлөө саг үнгэргэхэ, соёлой байдал һайжаруулха аргатай болоһомди. Соёлой байшан соо номой сан хүдэлдэг.
   «Развитие образования Забайкальского края на 2014-2025 годы» гэһэн гүрэнэй болон «Модернизация школьных систем образования» нютаг можын түсэлнүүдээр 17,081 сая түхэриг һомологдожо, 9 жэлэй һургуулимнай капитальна заһабарилгада ороһон. 2023 ондо «Устранение цифрового неравенства» гэһэн программаар «Ростелекомой» хабаадалгатайгаар 4G-интернедээр хангаха сотово холбооной вышкэ түхеэрэгдэһэн. МТС, Мегафон болон Т2/Йота сотово операторнууд хүдэлдэг.
   2025 оной август һарада Ара-Элеэ ородог хүүргэ заһагдаһан.
2025 оной декабрь һарада шэнэ ФАП нээгдээ һэн. Фельдшер Елена Казанцева Краснояровын ба Ара-Элеэгэй ажаһуугшадые хангадаг, тиимэһээ долоон хоногой 2 дахин ерэжэ, үбшэнтэдые үзэдэг.
   - Хэды хүн ажаһуунаб?
   - Ажаһуугшадай бүридхэлдэ 223 хүн оронхой, үнэн дээрээ энэ тооһоо үсөөн хүн ажаһуудаг. Тэдэнэй тоодо наһанай амарал-тада гараһан 42 хүн, ажалай ветеранууд – 17, гансаараа ажа-һуудаг – 9, сэрэгэй тусхай үйлэ хэрэгэй ветеранууд ба хабаадагшад – 18.
   - Ямар социальна эмхинүүд хүдэлнэб?
   - Юһэн класстай һургуулида 24 шабинар һурана. «Солнышко» хүүгэдэй сэсэрлигтэ мүнөө 4 хүүгэд ябана, һургуулида 7 багшанар ажаллана. Һургуулиин захиралаар ба хүүгэдэй сэсэрли-гые даагшаар Мария Носырева хүдэлнэ, хүүгэдэй сэсэрлигэй хүмүүжүүлэгшэ – Евгения Черных.
   ФАП, нютагай захиргаан, соёлой байшан, номой сан, хэлхеэ холбоон, А.П.Лысенкын «Лесной» гэжэ үмсын магазин хүдэлдэг.

You have no rights to post comments