Хүүгэдэй сэсэрлигтэ хүмүүжүүлэгшэ асууна:
- Хүүгэд, дүрбэн хүлтэй гэрэй нүхэрые нэрлэгты. Хэн хэлэхэб? Ши, Сандан, хэлыш даа?
- Диван!

- Аба намайе хоёр дахин хараагаа, - гэжэ Сэрэн эжыдээ хоблоно.
- Юундэ?
- Түрүүн «хоёр» сэгнэлтэтэй дневник харуулхадам, хоёрдохёо, тэрэ дневник өөрымни хуушан гэжэ ойлгоходоо.

Шалгалтын ажалай үе. Багша һурагшадые анхаралтай-гаар адаглана, нэгэ хэды болоод лэ, шпаргалка хэрэгсээһэн хүниие үлдэнэ.
Директорэй орлогшо шагаагаад:
- Шалгалта бэшэнэ гүт? Эндэ хулгайгаар буулгаха дуратайшуул үлөөд байна гү?
Багша харюусана:
- Үгы, буулгаха дуратайшуул үүдэнэй саана. Эндэ ганса буулгахадаа бэлигтэйшүүл үлөөд байна.

Хэн нэгэндэ бэлэн загаһа асаранхаар, хахуули үгөөд, загаһа барихые зааһан дээрэ гэлсэдэг. Теэд зарим ушарта тэрэ хүйхэршни һургаһан хүндэ бэшэ, харин загаһа асарһан хүндэ үлүү баярлаха.

- Хүгшэн эжы, манай Баяр ахай магистратурада һурана. Би томо болоходоо, баһа тэндэ һурахаб.
- Юугээ хэлэнэбши? Баяр ахайшни хотодо һураад, хүдөө ажахыда һожоргүй болошоо. Мухаа, ухаатай хүүгэд 4 жэл һураад, шуран бэрхэ бакалавр болодог. Харин юумэ ойлгодоггүй барһад үшөө хоёр жэл магистратурада һурадаг юм.

Абань үхибүүгээ абахаяа хүүгэдэй сэсэрлиг ерэбэ.
«Али хүбүүн танай бэ?», - гэжэ хүмүүжүүлэгшэ һураба.
Тиихэдэнь абань «Алинииньшье хамаагүй. Үглөөдэр һөөргэнь лэ асарха гээшэ бэзэбди даа».

You have no rights to post comments