Тус конкурсдо шалгаржа, федеральна шанда Үбэр Байгалай хизаарай 9 багшанар хүртэбэ. Тэдэнэй 6-иинь – Агын Буряадай тойрогой багшанар. Хэд бэ гэбэл, Могойтын 2-дохи дунда һургуулиин физикын ба тоо бодолгын багша Сэсэг Дашидондокова, Дулдаргын 2-дохи һургуулиин ород хэлэнэй ба литературын багша Цыренжап Дондокова, Агын 1-дэхи һургуулиин англи хэлэнэй багша Инга Жапова, Могойтын 2-дохи һургуулиин биологиин багша Нина Медведева, Шэнэ Орловскын уран зурагай ба МХК-гай багша Светлана Спиричева болон Агын 2-дохи һургуулиин Россиин арадуудай соёлой үндэһэ һуури зааха ба буряад хэлэнэй багша Дулмажаб Цынгуева.
«Энэ хадаа Агын тойрогой багшанарай хамтын ажалай дүн болоно», - гэжэ тойрогой Захиргаанай социальна хүгжэлтын таһагай дарга Розалия Балдоржиева тэмдэглээ.
Багшын шэнэ онол арганууд, методическа заабаринууд болон тэдэниие ажалдаа хэрэглэлгэнь сэгнэгдээ юм.
Нордоп БАБУЕВА.