Буряадай уласхоорондын XIV "Алтаргана-2020" нааданай хэмжээндэ Агын ипподром дээрэ «Баян тала – АGA ЭТНО» гэһэн малай үзэсхэлэн 7 һарын 24-дэ дэлгээгдэхэ.
Эндэ бууһан айлшад табан хушуун мал: тэмээн, үбэр байгалай нарин нооһото болон агын үүлтэрнүүдэй хонидые, үбэр байгалай болон будённын үүлтэрнүүдэй моридые, хальмаг болон казах малаан үүлтэрнүүдэй эбэртэ бодо мал хараха бшуу.
Мүн буряад угсаата зоной заншалта байдал, ажахы харуулагдаха гээд Агын Буряадай тойрогой хүдөө ажахын таһагайхид мэдээсэнэ.
