Июлиин 23-да Ким Базарсадаевай нэрэмжэтэ Агын хүүгэдэй уран урлалай hургуулиин байшан соо «Алтаргана» нааданай үльгэршэдэй, магтаал гүйсэдхэгшэдэй гоё hайхан мүрысөөн боложо түгэсөө.
Мүрысөөндэ хоёр – 10-18 ба 19-тэйhөө дээшэ наһанай – бүлэгүүдтэ 12 үльгэршэд хабаадаа юм. Конкурсын дүнгүүдээр, 10-18 наhанай бүлэгтэ Үбэр Байгалай хизаарай Арсалан Цыренжапов ба Булат Намдаков, Эрхүүгэй можын Глеб Бардамов гэгшэд лауреадууд болоо. Мүрысөөнэй 19-тэйhөө дээшэ наhанай бүлэгтэ Үбэр Байгалай хизаарай Цыден Дамдинов болон Мунко-Жап Цыденов, Буряад Уласай Саян Бальжиев үльгэршэд лауреадай нэрэ зэргэдэ хүртөө. Эдэ 6 лауреадууд алтан медаляар, 40 мянган түхэригэй сертификадаар шагнагдаа.
Үргэлжэлэлынь хожом гараха.
Нордоп БАБУЕВА.
