Хоёр үдэрэй туршада Агын «Баатар» тамирай-элүүржүүлгын түб соо уран оёдолшодой дунда «Мүнөө үеын ба заншалта буряад хубсаhан» гэhэн харалга-мүрысөөн 6 янзаар үнгэргэгдөө.
Мүнөө жэл халдабарита үбшэнhөө hэргылжэ, хубсаhанай харалга-мүрысөөн ондоошогоор болоо бшуу. Энээнһээ ураг-ша хубсаhан тайзан дээрэһээ харуулагдадаг һаа, энэ удаа мүрысөөн онлайн аргаар эмхидхэгдээ. Зарим хабаадагшадай хубсаһан дэлгээтэй байба. Жюриин гэшүүд оёдолой шэн нариниие, шанарыень шалгаа. Тиигэжэ нааданай 2-дохи үдэртэ дүнгүүд соносхогдоо.
Лауреадууд гэхэдэ, «Заншалта хубсаhан» янзада – Цингэлэ (Шэнэхээн), Чимитцырен Батодалаева (Ушарбай), Маргарита Алексеева ба Юлия Харгаева (Эрхүүгэй можо), «Хүүгэдэй заншалта хубсаhан» янзада – Цыпелма Бальжинимаева (Могойто), Цыбикма Берзина (Зүдхэли), Мацзигэма (Буряад Улас), «Стилизованно хубсаhан» янзада – Цыцык Доржиева (Амидхааша), Светлана Банзарова, Евгения Мэрдыгеева ба Руфина Уюина (Буряад Улас). «Прет-а-порте» янзада – Шидэ Найданова (Буряад Улас), Васса Бабужапова (Могойто), Туяна Дугаржапова (Дулдарга), «Бүдүүн хүнэй авангард» янзада – Баирма Дашинимаева (Согто-Хангил), Отгон Сугармаа (Монгол Улас), Улзыма Ванзатова (Буряад Улас), «Хүүгэдэй авангард» янзада – Ушарбайн «Одон» гэhэн уран урлалай бүлгэм (хүтэлбэрилэгшэнь – Доржоханда Эрдынеева), Буряад Уласай Доржи-Ханда Цыбикова, Хүнхэрэй «Замай эхин» моодын театр (хүтэлбэрилэгшэнь – Жаргалма Чирнинова) лауреадай нэрэ зэргэдэ хүртэжэ, алтан медаляар ба 65000 түхэригэй сертификадаар шагнагдаа.
Валентина ЦЫРЕНЖАПОВА.

You have no rights to post comments