Июлиин 23-да «Алтаргана» нааданай хэмжээндэ «Тамир» байшан соо шатараар мүрысөөн үнгэргэгдөө.
Турнирта бүхыдөө 11 можо суглараа, хабаадагшад – 54 хүн. Бүһэтэйшүүл – 36 хүн, эхэнэрнүүд – 18.

Тэдэнэр Үбэр Байгалай хизаарай 5 можо, Улаан-Үдэ, Ивалгын аймаг, Хэжэнгын тамирай һургуули, Эрхүүгэй можо, Улаан-Баатар, Хэнтэйн аймаг түлөөлөө. Зорикто Баирович Цыбенов (ахамад шүүгшэ), Бато Пунцукович Норжилов, Александр Сампилович Долсонов гэгшэд жюриин гэшүүдээр ажаллаа. Наадан швейцарска системээр 9 турһаа бүридөө. 27 хюлгэ дээрэ хатуу тулалдаан боложо, эгээ эрхимүүд элирээ.
Бүһэтэйшүүлэй дунда Аюша Долсонов (Үбэр Байгалай хизаар), Сэнгдорж Дондуков (Буряад Улас), Денис Абашеев (Үбэр Байгалай хизаар) гэгшэд илажа гараа. Эхэнэрнүүдэй хоорондо 1-дэхи һуури Яна Жапова, 2-дохи – Ксения Абашеева (хоюулаа – Үбэр Байгалай хизаар), 3-дахи һуури – Сойжина Комиссарова (Буряад Улас) гэгшэд эзэлээ.
Абарга элирүүлгын мүрысөөндэ Аюша Долсонов (Үбэр Байгалай хизаар) түрүү һуурида, Сэнгдорж Дондуков (Буряад Улас) 2-дохидо, Яна Жапова (Үбэр Байгалай хизаар) 3-дахи һуурида гараа.
Лариса ДАМШАЕВА.

You have no rights to post comments