Буряад арадай ёhо заншалнуудые ба түрэл хэлэеэ сахин хүгжөөхын хэрэгтэ телевидениин дамжуулганууд, фильмнүүд шухала hуури эзэлдэг. Эрхим шанарай теле-, радио-дамжуулгануудые, баримтата болон уран һайханай фильмнүүдые байгуулгада шэнэ аргануудые бэдэрхын, мэргэжэлтэдые дэмжэхын тула «Алтаргана» фестивалиин хэмжээндэ энэ конкурс үнгэргэгдэдэг заншалтай.
Тэндэ hүүлэй жэлнүүдтэ буулгагдаhан hайн шанартай буряад хэлэтэ кинонууд ба телевидениин дамжуулганууд харагдадаг.
XIV «Алтаргана» фестивалиин кинонуудай урилдаанда Yбэр-Байгалай хизаарhаа, Эрхүүгэй можоhоо, Буряад Уласhаа, Монголhоо, Хитадhаа - хамта 31 авторнуудай 35 хүдэлмэри хабаадаhан байна.
Мүрысөөнэй дүнгүүдээр 18 лауреадууд шалгаржа гараhан ушартай:
- «Эрхим телевидениин дамжуулга» гэhэн шанда Болотова Л.Б. (Yбэр-Байгалай хизаар), Батуев Б.Т. (Буряад Улас), Сарантуяа Уранбайгал (Монголой Дорнод аймаг) хүртөө;
- «Эрхим радиодамжуулга» - Болотова Л.Б. (Yбэр-Байгалай хизаар), Кара-Сал А.Б. (Yбэр-Байгалай хизаар), Дамбаева Д.Б. (Буряад Улас);
- «Эрхим баримтата фильм» - Будаева Х.Д. (Yбэр-Байгалай хизаар), Доржиева А.Ц. (Yбэр-Байгалай хизаар), Чулуун Оюундэлгэр (Монгол, Улаан-Баатар);
- «Эрхим баримтата фильм» - Аюров Д.А. (Yбэр-Байгалай хизаар);
- «Буряадай соёл тухай бусад хэлэнүүд дээрэ буулгагдаhан эрхим фильм» - Ильин Н.А. (Yбэр-Байгалай хизаар), Бороноева Т.А. (Буряад Улас);
- «Эрхим операторай хүдэлмэри» - Бадашкеева Е.Т. (Эрхүүгэй можо), Цыденов Б.Ц. (Yбэр-Байгалай хизаар), Чойбсон А.С. (Буряад Улас);
- «Эрхим режиссёрой хүдэлмэри»- Жигжидон Н.М. (Yбэр-Байгалай хизаар), Юмов О.Л. (Буряад Улас), Яковлева М.А. (Эрхүүгэй можо).
Баярма БАТОРОВА.
