Июлиин 23-да И.Д.Кобзоной нэрэмжэтэ Агын хүүгэдэй урлалай байшанда богони зохёолнуудай мүрысөөн эмхидхэгдээ.
Хабаадагшад хоёр бүлгэмдэ хубаараа. Эссе бэшэлгын мүрысөөн хоёр шатаhаа бүридэhэн байна: нэгэдэхи шатада гэрэй даабари үгтөө - гурбан сэдэбhээ нэгыень шэлэжэ, тэрэнээ шүүгшэдэй анхаралда дурадхажа уншаа, хоёрдохи шатада 30 минутын туршада шүүгшэдэй хэлэhэн сэдэбээр богони зохёол дэлгэрэнгыгээр бэшэжэ уншаа. Шүүгшэдэй бүридэлдэ һууһан ехэ дүршэлтэй багшанар, эрдэмтэд эбээрээ, олоороо хэлсэжэ, дүн гаргаа бшуу.
16-35 наhанай хабаадагшадай хоорондо Yбэр-Байгалай хизаарай Александра Рабданова, Yбэр-Байгалай хизаарай Алла Нинтоева, Монгол ороной Ɵлзийдэлгэр Yндэрмаа лауреадууд болоо юм.
35-һаа дээшэ наhанай уран бэлигтэнэй хоорондо Буряад Уласай Очир-Ханда Нанзатова, Эрхүүгэй можын Серафима Балданова, Yбэр-Байгалай хизаарай Намжил Цыденова түрүү hууринуудые эзэлээ.
«Залуушуулда hанаагаа зобооб, борошогоор байна аа гү гэжэ hанаан сэдьхэлдэ абтааб. Харин залуушуулнай бидэнэй hанаhан хэрэг дээгүүр үргэжэ гаргаа. Залуушуулаа хаража, тон гүнзэгы сэдьхэлэй оёорhоо урмашажа, баярлажа булта байнабди. Манай халаан hайхан, шанга сэдьхэлтэй, энэ хадаа багшанарай ашата ажалай үрэ гээшэ…» - гэжэ шүүгшэдэй бүлэгэй түрүүлэгшэ Дулмажаб Цынгуева hанамжаараа хубаалдаба.
Цымжидма Долгорова.
