«Агын Арбат» дээрэ Зүдхэлиин «Морин эрдэни» моодын театр хубсаhаяа үзэсхэлэндэ дэлгээгээ. 

Эхэнэрнүүдэй заншалта хубсаhа хилгааһаар ба нооhоор hажаалгажа оёhон ба хүүгэдэй хубсаhан, гоё малгайнууд, гарай бэлэгүүд, зүүдхэлнүүд үзэсхэлэндэ дэлгээтэй байгаа.
Уран оёдолшон Дарима Жалсановагай илалта амжалтанууд тоолошогүй олон юм. «Морин эрдэни» моодын театр газар нютагуудаар хаа-хаанагүй ябажа, тойрогой, хизаарай, бүхэроссиин, уласхоорондын мүрысөөнүүдтэ эдэбхитэйгээр хабаадаhан юм. Мүнөө тэрэ амжалтануудайнь гэршэ боложо, бүтээлнүүдынь үзэсхэлэндэ дэлгээгдээ юм.
2006 ондо Дарима Батомункуевна Зүдхэлиин соёлой байшан соо нэгэ hанал бодолтой нютагайхидаараа хамтаржа, «Морин эрдэни» моодын театрай hуури табиhан түүхэтэй. Тиихэдээ хилгааһаар хубсаhануудые уран гоёор бүтээhэн юм. Тэрэ сагhаа хойшо хубсаhанай хэдэн суглуулбари оёгдоhон. Буряад арадайнгаа үндэhэн заншал hэргээжэ, соёл болбосоролоо хүгжөөжэ ябаhан Дарима Жалсановагай хубсаһанай суглуулбари олоной анхарал татадаг гэжэ мэдээжэ.

Валентина ЦЫРЕНЖАПОВА.

Авторай фото.

You have no rights to post comments