«Ялас» гэмэ концерт-наадан үнгэргэгдөө
   Жэл бүри Сагаан һарын һайндэрэй хэмжээндэ «Баяр» ансамбль ажалайнгаа дүн татажа, арад зондоо концерт-наада харуулдаг заншалтай. Мүнөө тэрэ заншалаа алдаагүй, ойн баярайнгаа концерт-наада һайндэрэй үедэ үнгэргөө. Тус хэмжээ ябуулгада хүндэтэ айлшад уригдаа. Тэдэ сэдьхэлһээ дулаахан үгэ ба үреэлнүүдые хэлэжэ, бэлэгүүдые барюулаа. Концерт-нааданай эхиндэ «Баяр» ансамбль эмхидхэгшэдэй нэгэн, Агын Буряадай автономито тойрогой соёлой габьяата хүдэлмэрилэгшэ, урлал шэнжэлэлгын эрдэмүүдэй кандидат Оюна Шираповна Дарижапова тайзан дээрэ уригдажа, үгэ хэлээ: «Хорин жэлэй саада тээ «Оюна, в Чите поднимай бурятскую культуру» гэжэ Шэтын можын соёлой хорооной түрүүлэгшээр хүдэлжэ ябаһан Галина Петровна Сыроватка ба Шэтэ хотын захиргаанай соёлой хүтэлбэриин даргаар томилогдоод байһан Николай Васильевич Сыроватка хэлээ һэн. Тиигэжэ буряад соёл Шэтэ хотодо хүгжэжэ эхилээ. Хүүгэдэй уран урлалай 7-дохи һургуулида түрүүшынхеэ бүлгэм байгуулагдаа бэлэй. Хожомынь Шэтын уран урлалай 3-дахи һургуулида «Баяр» ансамбль нээгдээ. Тэрэ сагта хүүгэд үсөөн ябадаг байгаа. Гудамжада хүүгэдые харахадаа, «Баяр» ансамблиин гэшүүн болохыень уридаг һэмди...».

You have no rights to post comments