Тус бүлгэм 2006 онhоо хүгжэжэ, зохёохы талаар олон зү-жэгүүдые найруулжа эхилhэн. Удангүй харалга-мүрысөөнүүдтэ илалтын амжалтанууд тобойгоо.
Түүхэ
«Бэлиг» драматическа бүлгэмэй хүгжэлтэдэ Лхама Балданова горитойхон хубитаяа оруулhан. Тэрэ 2022 он болотор бүлгэмые хүтэлбэрилжэ, зүжэгүүдые, миниатюрануудые найруулhан байна. Түрэhэн нютагаа үргэжэ ябадаг урагшаа hанаатай режиссёрой намтараар hонирхобол иимэ.
Лхама Цыден-Ешиевна Сагаан-Шулуутайн дунда һургуули дүүргээд, Улаан-Үдын багшанарай училищида эхин шатын ангинуудай багшын таhагта ороһон юм. Тэрэнээ дүүргэхэдээ, Усть-Наринай, Сагаан-Уулын, Сагаан-Шулуутайн, Орловскын эхин шатын һургуулинуудта багшалhан байна. Удаань Буряадай гүрэнэй дээдэ hургуулида орожо, буряадай хэлэ бэшэгэй таhагта hуралсалаа үргэлжэлүүлhэн.
Эрмэлзэл дүүрэн багша 1997 онһоо «Сахюур» гэhэн арадай аман зохёолой бүлгэмдэ найруулагшаар ажаллаа. 2006 ондо «Бэлиг» драматическа бүлгэмэй хүтэлбэрилэгшөөр хүдэлжэ байтараа, 2012 ондо Сагаан-Шулуутайн соёлой байшанай захиралаар томилогдоо.
Лхама Цыден-Ешиевна «Сэдьхэлэйм үгэнүүд», «Би буряадби», «Ванда» гэһэн гурбан номой, мүн олон зүжэгүүдэй, миниатюрануудай автор юм. Тэрэнэй хүтэлбэри доро «Бэлиг» бүлгэм аймагай ба тойрогой хэмжээнэй мүрысөөнүүдтэ хэдэн дахин түрүүлhэн.
Даширабдан Одбоевич Батожабайн нэрэмжэтэ тойрогой «Театрай намар» харалга-мүрысөөндэ гурба дахин: 2016, 2018, 2022 онуудта илалта туйлаhан. Лхама Балданова энэ жэлнүүдтэ гурба дахин «Эрхим найруулагша» ба «Эхэнэрэй дүрэ эрхимээр гүйсэдхэгшэ» гэһэн янзануудта шалгарһан.
