Зураглалай гол герой Дулдарга һууринда ажаһуудаг, Тугшан нютагһаа гарбалтай Цыритор гэжэ нүхэртэй, 6 үхибүүдтэй, мүнөө одхон басагантаяа гэртээ байһан залуухан эжы Оюна Будажапова мүн.
   Хүүгэд энэ дэлхэйдэ мүндэлхэдөө, бурханһаа үршөөһэн заяатай байдаг гээд наһатай үбгэ эсэгэнэрһээ дуулахаар байдаг. Һайн заяатай үхибүүн жаргалтай айлай үри боложо түрэхэнь магад. Теэд саанаһаа үршөөгдэһэн хуби заяатай үхибүүндэ аба эжын дулаахан хараса, зөөлэн харилсаан, һайн хүмүүжэл заатагүй хэрэгтэй бшуу. Эндэһээ уламжалжа, һайн һанаатай, бэрхэхэн хүүгэдэй үндыхэнь мүн. Харюусалга ехэтэй, аба эжын нангин үүргэ тон һайнаар мэдэрһэн гэр бүлэдэ арадтаа хэрэгтэй, олоной түлөө ябаха хүүгэд үндыхэнь лабтай.

You have no rights to post comments