«Создание дополнительных дошкольных мест в возрасте 1,5 до 3 лет» гэһэн гүрэнэй программын хэмжээндэ бэелүүлэгдэһэн һаруул, дулаан, элдэб гоё нааданхай, тусхай эд бараагаар хангаатай - мүнѳѳнэй эрилтэдэ таарама эрхэ нүхэсэлтэй шэнэ байшангууд үүдэеэ сэлижэ, үдэр бүхэндэ 36-36 багашуулые угтажа абадаг болобо. Энэ байшангуудай хүдэлжэ эхилхэдэ, 20 хүн ажалаар хангагдаба.
Россиин Федерациин Федеральна Суглаанай Федерациин Зүблэлэй аюулгүйн ба хамгаалгын хорооной түрүүлэгшын орлогшо Баир Жамсуев, Үбэр Байгалай хизаарай Засаг газарай түрүүлэгшын орлогшонор Аягма Ванчикова ба Бато Доржиев, эрдэм һуралсалай ба залуушуулай политикын сайдай орлогшо Наталья Шибанова, тойрогой, аймагуудай, тосхоной захиргаануудай түлѳѳлэгшэд тус сэсэрлигүүдтэ нэмэжэ бариһан байшангуудай нээлгээр бүгэдэ сугларагшадые амаршалһан, сэнтэй бэлэгүүдые бариһан байна.
