Ага тосхондо
   Фашис немецүүдые ба япон булимтарагшадые бута сохижо, манай гүрэндэ амгалан байдал асарhан ахатанда Алдар Соло! Майн 9 эгээ нангин, хэдэн гүрэнэй олон яhатанай нэгэдэжэ, фашис дээрмэшэдые бута сохиhон алдар солото үдэр юм. Мүн тиихэдэ амгалан байдал, эрхэ сүлөө асарhан hүр жабхаланта hайндэр болоно. Энэ үдэр баатар сэрэгшэдээ, ара талын хүдэлмэрилэгшэдөө ёhолон хүндэлнэбди, гал дүлэтэ дайн байлдаанай газарта баатарай үхэлөөр алдалан унаhан сэрэгшэдээ дахин-дахин дурсанабди, хэншье мартагдахагүй, юуншье мартагдахагүй. Илалтын хабар 81-дэхеэ эрьен ерэбэ, үе сагай үнгэрхэ бүри хүнэй сэдьхэлдэ улам гүнзэгыгөөр дурсагдаха юм.
   Майн 9-эй үглөөгүүр Агуу Илалтын 81 жэлэй ойн баярай хэмжээ ябуулгада ара талын хүдэлмэрилэгшэд, засаг зургаанай түлөөлэгшэд, ажаhуугшад, сэрэгэй тусхай үйлэ хэрэгтэ хабаадаһан ветеранууд, залуу үетэн, хүүгэд «Агинский колхозник» хүшөөгэй дэргэдэ олоор сугларбад. Сугларагшад «Т-34» танкын хүшөөдэ нарһанай гүрлөө болон гвоздика сэсэгүүдые табяа. Агын муниципальна тойрогой захиргаанай толгойлогшо Насак Бабужапов сугларагшадые һайндэрөөр амаршалаа.

You have no rights to post comments