Һайндэрэй хэмжээндэ олон хүүгэдтэй бүлэнэртэ зорюулагдаһан Агын Буряадай тойрогой 5-дахи форум үнгэргэгдөө.
   Агын Буряадай тойрогой Захиргаанай дэмжэлтээр энэ форум эмхидхэгдэдэг. Мүнөө тойрог дотор олон хүүгэдтэй 4 мянган бүлэнэр ажаһууна. Тэдэ айлнуудта 12 мянгаһаа үлүү хүүгэд хүмүүжүүлэгдэнэ.
   Үглөөнэй 11 сагта түб талмай дээрэ «Парад детских колясок» гэһэн мүрысөөн соносхогдоо. Илдам зөөлэн шарайтай, эхын үбэрһөө үшөөл таһараагүй, хөөрхэн үхибүүдтэй 11 бүлэнэр хабаадаа. Бүлэ бүхэн элдэб сэдэбтэ тааруулжа, коляскануудаа гоёогоо. Жэшээнь, нэгэ бүлэ далайн онгосо һажаалгажа коляскаяа зохёогоо, үшөө нэгэн һэеы гэрэй дүрсэ бүтээгээд, тэрэнээ коляска дээрээ торгоогоо гэхэ мэтээр «хүнэй һанаан заха хизааргүй» гэһэн үгэ эндэһээ эхитэй. Тус форумдо 100 гаран бүлэнэр «Шагай няһалалга», «Шагай шүүрэлгэ» гэхэ мэтэ наадануудта хүүгэдээ сэнгүүлээ, элдэб һонин мастер-классуудта хабаадуулаа.

You have no rights to post comments