Харалга-конкурс байгша ондо 21-дэхи жэлээ үнгэргэгдэбэ.
Гарагша жэлдэ байгаалиин түймэртэй тэмсэхэ, тэрээнhээ hэргэг байхын тула хүдөө нютагууд ба тосхонгууд бэлэдхэлэй ажал эртүүр эхилһэн байна. Шэтэ хотоһоо Үбэр Байгалай хизаарай Правительствын, МЧС-эй, ГО ба ЧС-эй хүтэлбэриин мэргэжэлтэд уригдажа, хэмжээ ябуулгада хабаадалсаа. Гурбан аймагта зүблөөн зарлагдажа, шухала асуудалнуудаар элидхэлнүүд шагнагдаа, харалганууд эмхидхэгдээ. Тойрогой Захиргаа-най хүтэлбэрилэгшын уялга дүүргэгшэ Буянто Батомункуев зүблөө хүтэлэн ябуулаа. Саһанай хайлахада, хабарай шанга һалхинай эхилхэдэ, зоной hанаа зобоомо түймэрэй хаhа дүтэлдэг гээшэ. Үнгэрэгшэ жэл хизаарай, тэрэ тоодо тойрогой дэбисхэр дээрэ галай аюул ехээр һүжэржэ, оршон тойронхи байгаалида, зоной, амитадай ажамидаралда ехэ хохидол асарһаниинь мэдээжэ. Диилэнхи ушарта зоной гэмээр, хайша хэ-рэгээр байгаалидаа хандаһан ушарһаа гал гарадаг шуу. Хү-дөө буусануудаар ажаһуудаг эрхэтэд дал байрануудые, малаа хамгаалха ажал хэм соонь ябуулнагүй. Һэргылэмжын ажал саг соонь ябуулбал, ашатай байхань лабтай. Зүблөөн дээрэ түймэр сарадаг албатадай, һайн дураараа гал усадхадаг можонуудай түлөөлэгшэд ГСМ-эй, эдеэ хоолой, мүнгэнэй нөөсэтэй байнабди гэжэ элидхэбэ. Галай аюул саралгада хабаадуулагдаха техникэ унаанууд заһабарилаатай. Хүдөө нютагуудые, буусануу-дые тойруулжа газар хахалагдаһан. Хүдөө нютагуудай захиргаануудай тол-гойлогшонор, һайн дураараа түймэр сарадаг можонуудай ударидагшад түймэр сараха шугамаар һуралсал гаража, дүршэл абаа. Байгаалиин аюул усадхалгада хабаадуулагдаха зон хашагһаа һэргылжэ, тарилга абаһан. Хаана гал гаранаб гэжэ хаража байха тусхай постнууд үндэр хада дээгүүр табигданхай.

You have no rights to post comments