(Эжытэймни болоһон ушар)
Энэ ушар совет үедэ, 1981 ондо болоһон юм. Тиихэдэ эжымни арбатайхан ябаа. Нэгэтэ эжымни эжы, минии нагаса эжы болоно, ажалдаа ошоходоо, үдэшэ макарон шанаад байгаарай гэжэ басагандаа захиба. Тэрэ үедэ юумэн хомор, хоёр лэ эмалированно кастрюлитай байгаа: томонь - улаан сэсэгүүдтэй, багань – шара сэсэгүүдтэй. Эжы улаан сэсэгүүдтэй кастрюли гаргажа, уһа бусалгаад, макарон үйһэн аад, тэрээн тухайгаа огто мартажархиба. Юундэ мартаһанаа мүнөөшье болотор һанадаггүй. Гэнтэл уранхай үнэрэй гутахада, эдеэн тухайгаа һанажархиба юм бэзэ. Кастрюлиин оёорто няалдашанхай макароноо арай гэжэ шүүгээд, кастрюлияа арилгажа эхилбэ. Теэд няалдашаһан макарониинь арилгагдаха юм бэшэ. Тиигэхэдэнь газааһаа зартагай асараад үрэбэ, туһа болобогүй. Ядахадаа, тон томо халбагаар үрэбэ. Тииһээр байтарынь, оёортонь нүхэн гарашаба ха! Яадаг бэлэй, яадаг бэлэй гэжэ тэрэ кастрюлияа нюуха гэжэ бодобо. Тиигээд сээниг соогоо мэшээгтэй талханай саана нюужархиба…
Дэлгэрэнгыгээр 46-дахи дугаарта.
