Мэндэ ябаһан, элүүр энхэ дайнай ветеранай үбсүүгээрээ дүүрэн орден медальнуудаа ялалзуулан, олоной урда гарахада, сэдьхэлээ уяржа, эзэлүүдгүй нулимсаяа аршахаар байгаа. Жэлһээ жэлдэ ветеранууд үсөөн болоно. Агын тойрог дотор Эсэгэ ороноо хамгаалгын дайнай оройдоол 18 ветеран үлэнхэй.
   - Эсэгын дайнай ветеран бүхэндэ онсо анхарал хандуулха уялгатайбди. Энэ анхаралнай саг үргэлжын, гуримшуулаатай байха ёһотой. Шухалань, иимэ аймшагтай дайн болоһон гэжэ илангаяа залуушуулдаа ойлгуулха хэрэгтэй, - гээд тойрогой Захиргаанай хүтэлбэрилэгшэ Бато Доржиев Илалтын Майн 9-эй хэмжээ ябуулгануудые үнгэргэхэ асуудалаар зүблөөн дээрэ хэлээ бэлэй. 

You have no rights to post comments