Дэлхэйн олон шажанууд Кайласые нангин газар гэжэ тоолодог:

1. Индусуудай һанамжаар, энэл хадада Шива бурхан байдаг, харин боориинь нангин Манасаровар нуур Брама бурханай бии болгоһон.
2. Джайн Кайласай орой оюун сэдьхэлдэ сүлөө үгэдэг газар гэжэ хүндэлдэг.
3.Буддын шажантан Бурхан багшын сухалтай түхэл – Димчик энэл уулада байдаг гэжэ багсаадаг.

Кайлас уулын нюуса ямаршье сагта мүргэлшэдэй һонирхол татадаг. Эндэ мүргэл хэжэ ябалга тон хүндэ гэжэ тоологдодог. Энэ нюуса хада гороолһон лэ хүн өөртөө эди шэдииень ойлгохо аргатай. Кайлас регион дотороо томо хада бэшэшье һаа, самсаалтай пирамида мэтэ түхэлөөрөө ба саһан «малгайгаараа» бэшэ орьёлнуудһаа илгардаг юм. Һонин гэхэдэ, уулын бүхы эрмэгүүд дэлхэйн зүгүүдтэ яб гэмэ тааралдаһан юм. Үшөө онсо илгаань, зүүн тээгээ дээрэһээ доошоо гантаһан, тэрэнэй тэг дундуур хүндэлэн хахарһан байдаг. Тиигээд хас тамгада адли, заримдаа «Хас тамгын хада» гэжэ нэрлэдэг.

Кайласые бурханай хүсэтэй, нангин уула гэжэ буддын шажантан тоолодог, мүргэдэг, һүзэглэдэг юм. Олонхи мүргэлшэд Кайласые гороолхо зорилготойгоор ерэдэг. Нэгэшье гороолоо һаа, олон нүгэлһөө сэбэрлэгдэхэ аргатай гэжэ мүргэлшэд тоолодог. Эрдэмтэн, уран зурааша Николай Рерих эндэл гайхамшагта Шамбалын орон бэдэрһэн юм.

Кайлас гороолходо, мүргэлшэдтэ тусхай хэрэгсэл ба бэлэдхэл хэрэггүй. Мүргэлшэд 53 модо зай гороолдог. Нюуса уулын эди шэдидэ этигэгшэд Кайласай энергетикэ ба эди шэди хүнэй тэндэ ошохын урда тээ бии боложо эхилдэг гэжэ баталдаг. Тэрэнэй түлөө заал һаа һүзэгтэй байха бэшэ, сэсэн ухаа болон өөрыгөө ойлгон абаха замуудай нэгые баримталхадал болохо.

You have no rights to post comments