Жэл бүри Рихын үедэ залуушуул Агын тойрогой Захиргаанай мэргэжэлтэлтэдтэй «Алхана» паркын дэбисхэр дээрэ экологическа акци үнгэргэдэг.

«Рихын үедэ хүн бэеэ ганса уһаар арилгаха бэшэ, буян үйлэдэхэ, элшэ хүсэ бэедээ шэнгээхэ еһотой. Бидэ тойрогойнгоо ажаһуугшадые байгаалияа, сэбэр агаар, уһа булагайнгаа аргами хүсэ болон ондоошье баялиг хамгаалжа байя гэжэ уряалнаб», - гэжэ экологическа десантын гэшүүн Ханда Загдаева тэмдэглэнэ.

Акцида 10 гаран залуушуул бага гороогой зүргөөр мүргэлшэдэй орхиһон бог шорой суглуулаа. Арбан гаран бог шорой суглуулагдаһан байна.

«Үндэһэн паркда тойрогой бэшэ газарнуудтай, Ага голой эрьенүүдтэй, дабаануудай оройтой жэшээлхэдэ, сэбэр байна. Мүнөө жэл бидэ ажалаа үргэдхөөбди – голой болон булагай эрьенүүдээр, тариһан модоной зуруудаар, дабаанууд дээгүүр г.м. арилгаха гэжэ түсэблэнэбди. Хүн бүхэн үйлсэ гаража, гэрэй тойроод, хажуугаархи газаршье арилгаха аргатай, бултаниие энэ нэгэдэлдэ хабаадагты гэжэ уринабди», – гэжэ тойрогой залуушуулай хорооной түрүүлэгшэ Ринчин Гармажапов хэлээ.

You have no rights to post comments