Тэрэ ажалаараа Англи гүрэн ерээд, аэропортын ажалтанhаа хотын эгээл бага түлбэритэй буудалаар (гостиница) hонирхоhон ха.
Аэропортын ажалтан заводой эзэниие таняад hураhан юм:
- Эндүүрээгүй hаамни, та мистер Генри Форд бэшэ гүт? Би танай амжалтаар ходо hонирходог, ажагладагби. Танай хүбүүн Англи ерэхэдээ, эгээл үнэтэй буудалда тогтодог. Тиихэдэнь та хуушан суба үмдэнхэй, эгээл үнэгүй буудал тухай hуража зогсонот. Ехэ зөөритэй, баян бардам хүн аад, мүнгэеэ алмана гээшэ гүт?
Тиихэдэнь Генри Форд хэлэбэ:
- Үнэтэй буудалда байха гэжэ оролдодоггүйб. Хэтэрмэ үлүү юумэн намда хэрэгшьегүй. Хаанашье ябаа hаа, ямаршье газарта тогтоо hаа, би Генри Форд шэгтээ байхаб. Субамни үнэхөөрөөл хуушан даа. Энээниие абамни үмдэдэг hэн. Теэд ямаршье хубсаhа үмдөөд ябаа hаа, би үнөөхил Генри Форд шэгээрээ байхаб. Хүбүүмни, нээрээшье, үнэтэй газарнуудаар ябадаг, теэд залуу хүбүүнэй ухаан ондоо ха юм, хүн зоной хөөрэлдөөндэ орохоб гэжэ айдаг юм гү. Би хүнэй хөөрэлдөөнhөө айнагүйб, тиимэhээ өөрынгөө сэн hайн мэдэнэб, - гэжэ хэлэhэн ха.
Валентина ЦЫРЕНЖАПОВА.
