Үнгэрэгшэ намар тамирай ветеран 71-дэхи наһандаа алтан дэлхэйтэеэ хахасаа һэн. Баяр Жапович Агын тойрогто, Буряад Уласта олондо мэдээжэ, түрэл гаралайнгаа, нүхэдэйнгөө дунда хүндэтэй хүн байһан юм. Агада жэл бүри үнгэргэгдэдэг Советскэ Союзай Баатар Базар Ринчиногой, ниитэ хүтэлбэрилэгшэ Бадма Цыреновэй мүнхэ дурасхаалда зорюулагдаһан дүрэ буляалдаата барилдаагаар мү-рысөөнүүдтэ Баяр Цыренгармаев наһанайнгаа нүхэр Цыпылма Борисовна Батуеватай Улаан-Үдэ хотоһоо хүндэтэ айлшаар буудаг һэн. Тэрэ Улаан-Үдэ хотодо олон жэл ажаһуухадаа, түрэл тоонто нютагаараа һонирходог, Ага ерэхэдээ, Зүдхэлиеэ заабол эрьеэд ошодог байһан юм.

You have no rights to post comments