Тэрэнэй шугамаар Үбэр Байгалай хизаарай дунда hургуулиинуудай 1-9-дэхи ангинуудай hурагшад «Уран зураг», «Гар урлал» гэhэн хоёр шэглэлээр мүрысэхэ юм. Үхибүүдэй талаан бэлиг элирүүлхэ, гар урлалда дүйтэй, уранаар зураха абьяас бэлигтэй hурагшадые дэмжэхэ зорилготойгоор үнгэргэдэнэ гээд тэмдэглэлтэй.
Хэр угhаа буряад угсаата арад морин эрдэнитэй нягта холбоотой. Өөрын дүтын нүхэр гээд найр наадандашье, урилдаа мүрысөөндэшье, байлдаа тулалдаандашье суг хамта ябадаг юм. Морин гээшэ адагуусаншье hаа, hүбэлгэн ухаатай, хүндэ сагта туhалжашье шадаха, буряад зоной нангинаар hанаха амитадай нэгэн юм. Гэр байрадаа hахюуhан болгожо дүрсыень табихада, ехэ hайн гээд тоологдодог. Тиимэhээ өөрынгөө гараар урлан бүтээhэн hүлдэ тэмдэг бүри ехэ удха шанартай гээд тэмдэглэмээр.
Хүндэтэ hурагшад, зураһан, урлажа бүтээhэн ажалнуудаа Ц.Жамцараногой нэрэмжэтэ номой сан асархада, үгы гэбэл Адрес электронной почты защищен от спам-ботов. Для просмотра адреса в вашем браузере должен быть включен Javascript. электронно хаягаар эльгээхэдэ болоно.
