- Алло, хирургда хонходоно гүб? Түргэн ерыт, залуу хүбүүн аюулда ороод, хэсүү байна, - гэжэ больницаhаа хонходобо.
- Заа. Хүлеэжэ байгты, гэрhээ гарабаб! - гэбэ хирург.
Хахад часай үнгэрhэн хойно больницын дэргэдэ авто-унаагаар хирург ерэбэ.
Тэрэ зуура аюулда ороhон залуу хүбүүнэй эсэгэ хирургда дүтэлөөд хэлэбэ:
- Юундэ иимэ удаан болонобта?! Хүбүүнэйнгээ аюулда ороод байгаа hаа, дары түргэн ерэхэ hэнта.
Хирург юушье дуугарангүй, миhэд гээд, саашаа ябашаба.
Хэдэн часай хүндэ гэгшын операци хэгдээ. Эсэшэhэн хирург операци хэдэг таhалгаhаа гараад, сэдьхэлээ хүдэлэнги эсэгын хажуугаар нэгэшье абяа гарангүй үнгэршэбэ.
Хирургын хойноhоо ассистент басаган гаража, хүбүүнэй эсэгэдэ хэлэбэ:
- Операци hайн үнгэрөө, hанаагаа бү зобогты, хүбүүнтнай эдэгэхэ.
- Доктортнай ямар аягүй хүн гээшэб?! Хажуугаарни гансашье абяа гарангүй үнгэршоо, - гэжэ хүбүүнэй эсэгэ хэлэбэ.
- Хирургнай бэрхэ доктор юм. Хоёр үдэрэй саада тээ хүбүүниинь аюулhаа наhа барашоо. Мүнөөдэр хүбүүгээ хүдөөлүүлээ. Тиигээшье hаа, бүхыгөө орхёод, хүбүүндэтнай туhалхаяа ерээл даа, - гэбэ ассистент басаган.
Валентина ЦЫРЕНЖАПОВА.
