Эреэн хуудаһан

Информация о материале
Категория: Эреэн хуудаһан
Просмотров: 118

   Хүн зон агууехэ хүнүүдые бага наһандань ухаагаараа дутуушаг гэжэ тоолоһон байдаг. Үнгэрхэдөө, дүтыншье зониинь баһал тиимээр һанадаг һэн. Тэдээн тухай нэгэ хэды жэшээнүүд дурадхагдана... Эдэ мэдээнүүдые уншаад, хүүгэд, аша зээнэрэйнгээ бэлиг шадабари ондоо нюдөөр хаража болохот.

Подробнее... Добавить комментарий

Информация о материале
Категория: Эреэн хуудаһан
Просмотров: 387

«Үбшэн үлбэр, дохолон һэхэлэн, үншэн хэнзэ зониие наадалжа, гасаалжа болохогүй, нүгэл. Наһан соо үйлэдэһэн бүхы юумэн тэхэридэг, харюутай байдаг» гэжэ аха заха зон ойлгуулдаг бэлэй. Тиимэһээ һургаал болгожо, Дондог-Ринчин Намжилоной «Дохолон» гэһэн зохёол дурадханабди.

Подробнее... 1 комментарий

Информация о материале
Категория: Эреэн хуудаһан
Просмотров: 115

Залуухан Балжима үбгэндөө хэлэнэ:

- Намда ямар бэ даа юумэ бэлэглэхэ байгааш… минии хүнгэнөөр баруун хүлөөрөө дарахаар, тиигээд… стрелкынь нольһоо зуу хүрэхөөр!

Үбгэниинь:

- Шэгнүүр болохо гү? – гэжэ һураба.

***

Магазин соо нэгэ басаган маскарадта үмдэхэ костюм бэдэрнэ.

- Лусууд эхэнэрэй (русалка) костюм хэдытэб?

- Найма мянган түхэригтэ.

- Үнэтэй. Һарьhан эрбээхэйн костюм хэды сэнтэйб?

- Таба мянган түхэригтэ.

- Баһа үнэтэй. Энээхэн Баба-Ягагай костюм?

- Басаган, энэтнай гэрэл ха юм…

***

Балбар эжыдээ хэлэнэ:

- Гэр соохиие шорой тооһон болгоходом – арилганат, хубсаһаяа муухайдахадам – угаанат, гэдэһээ үлдэхэдэм – хааша шананат! Эх, минии үгы hаа, та юу хэхэ һэмта? Залхуу болошоод байха байгаат!

Нордоп БАБУЕВА.

Добавить комментарий

Информация о материале
Категория: Эреэн хуудаһан
Просмотров: 138

   1952 ондо Хельсинки хотодо үнгэргэгдэhэн Олимпиадада Люксембург гүрэнэй гүйдэлшэн Жози Бартель гайхалтайгаар, хүлеэгдээгүйгөөр алтан медальда хүртөө hэн.

   Эмхидхэгшэдэй хэнииньшье энэ багахан гүрэнэй тамиршан шүүхэ гэжэ hанаагүй, хүлеэгээшьегүй. Тиимэһээ гүрэнэйнь түрын дуулал байгаагүй. Оркестр шууд зохёожо, ябууд, бэлдэлгэгүйгөөр наадаа. Бартель илалтын баяр, жаргалһаа бэшэ, гүрэнэйнгөө түлөө гомдоhонһоо уйлашоо һэн. Мүнөө болотороо энэ алтан медаль Люксембургын гансал шагнал болодог юм.

   Нордоп БАБУЕВА.

Добавить комментарий

Информация о материале
Категория: Эреэн хуудаһан
Просмотров: 118

   Бишыхан Баярто автобусто һуугаад ябахадаа, эжыһээ асууба:

   - Энэ жолоошон хүүгэдтэй ха гү?

   - Хүүгэдтэй байгаал юм бэзэ, - гэжэ эжынь харюусаба.

   Тиихэдэнь Баярто гайхангяар һураба:

   - Тиигээ һаа, юундэ минии аба автобусгүйб?

                                                          * * *

   - Һамганайнгаа шэнгэжэ байхада, юундэ абараагүй гээшэбши?

   - Шэнгэжэ байна гэжэ хэн мэдээ юм! Үнөөхи хашхардагаараа хашхарна гэжэ һанаалби!

                                                          * * *

   Нэгэ хүн зүбшэл абахаяа юристдэ ерэхэдээ, түрүүн сэнгээрнь һонирхобо:

   - Элдэб асуудалаар хандаһан зон мүнөөнэй сагаар хэдые түлэдэг юм?

   - Гурбан асуудалай түлөө 3000 түхэриг абадагби.

   - Даншье һаа ехэ мүнгэ эринэб гэжэ һананагүй гүт? – гэбэ хандагша.

   - Үгы, тиигэжэ һананагүйб. Бүхы юристнүүд иимэрхүүл сэн абаха.

   - Пэ-э, хэн мэдээб… иимэ үнэтэй болошоһон юм гү?

   - Тиимэ. Гурбан асуудалдатнай үнэн сэхээр харюусабаб. Мүнгөө һарбайгты!

   Долгор РАДНАБАЗАРОВА.

Добавить комментарий