Түрэлхи хэлэн
Шуя-Ханда Базарсадаева
Дэлхэй дээрэ олон ондоо яһатан.
Дэлхэй дээрэ олон ондоо хэлэтэн.
Тэдэнэй дунда минии түрэлхи арад.
Тэдэнэй дунда минии түрэлхи хэлэн.
Хаанашье холын газараар ябаашье һаа,
Хариин хэлэ шудалжа ябаашье һаа,
Түрүүшын харгы урдамни нээжэ үгэһэн
Түрэлхи хэлэндээ һүгэдэнэб үнэн зүрхэнһөө...
Олон арадуудай заншал мэдэхэшье hаа,
Олон хэлэнүүдэй баяндань обтоошье hаа,
Түрэлхи hайхан буряад хэлэеэ хаанаш
Түүрээжэ магтан, бүри дээшэнь үргэхэб!
Аялгата түрэл хэлэмнай
Аба эжын бэлигhээ,
Аянгаар мэргэн хэлэмнай
Арад зоной хэшэг юм.
Гунга Чимитов.
Эхын амтан уурагаар дамжан ерэһэн түрэлхи хэлэеэ гамнажа, хүндэлжэ ябая!
