Официальный сайт Всебурятской газеты "Толон"

   Мүрысөөн ургажа ябаһан залуу үетэниие сэрэгэй-патриотическа талаар хүмүүжүүлхэ, Эхэ орондоо, түрэһэн нютагтаа дурлуулха үүргэтэйгээр эмхидхэгдэнэ.
   Муниципальна хэмжээнэй мүрысөөндэ илаһан хүбүүд ба басагадай эрхим взводууд жагсаалда алхалалдаа. Һургуулиин һурагшад сэрэгшэдһээ нэгэшье дортохогүйгөөр нэгэ жэгдээр, сэб сэхээр харагшадай урдуур алхалалдан гараа. Хүбүүд ба басагадай, мүн холимол взводууд алхалалдахын хажуугаар сэрэгэй дуунуудые дуулаа. Уһан ба ябаган, агаарай-десантна г.м. сэрэгүүдэй хубсаһатай хүбүүд ба басагад эрхимүүдээ элирүүлээ.
   Жагсаалда ябаһан можонууд «Хүбүүдэй эрхим взвод», «Басагадай эрхим взвод», «Эрхим холимол взвод» гэһэн гурбан янзаар хоорондоо мүрысэһэн байна. Тиин хүбүүдэй хоорондо Могойтын 2-дохи дунда һургуулиин һурагшад түрүү һуурида гараа. Агын 1-дэхи, Амидхаашын дунда һургуулиинхид хоёрдохи, гурбадахи һууринуудые эзэлээ. Басагадай хоорондо амидхаашынхид – нэгэдэхидэ, Могойтын 2-дохи дунда һургуули – хоёрдохидо, Агын тойрогой гимнази-интернадай басагад гурбадахида гараһан байнад. Холимол можонуудай хоорондо Зугаалайн, Хүнхэрэй, Дулдаргын дунда һургуулинуудай һурагшад тус тустаа шалгараа. «Эрхим командир» нэрэ зэргэдэ Сергей Полиевич (Могойтын 2-дохи), Тамир Дамдинов (Зугаалай), Чимита Жамбалова (Агын тойрогой гимнази-интернат) хүртөө.

You have no rights to post comments