Гурбан жэл тогтоод байгаа
Шэнэ Орловскын ГОК эршэмтэйгээр ажалаа ябуулжа байһанаа, олон жэлэй саана гүрэндэ үриеэ, налогуудаа, ажалшадайнгаа салин түлэжэ шадахаяа болижо панхаруутаһан байгаа. ГОК-ой ажал хүтэлһэн эмхинүүд: газар дорохи баялигуудые малтажа үйлэдбэрилдэг Москвагай ИСТ-поинт, Югославиин ВМП-инвест г.м. компанинууд ээлжэлэн, ГОК-ой ажал ябуулдаг һэн. Һүүлэй һүүлдэ «Молирен» гэһэн металлургическа холдинг ГОК-ые өөрын мэдэлэй болгоһон юм. Шэнэ Орловскын комбинат мүнгэн һангай дуталдаһан, мүн вольфрамай сэнгэй дэлхэйн дэлгүүртэ унаһан ушарһаа гурбан жэлэй саана хүдэлхэеэ болиһон байна. Тус комбинат жэбэрдэггүй булад, шэрэнүүдые, буу, һомо г.м. зэбсэгүүдые хэхэдэ хэрэглэдэг вольфрам үйлэдбэрилдэг байгаа. Россида бэшэ хаанашье иимэ комбинат үгы юм. Комбинат эрхимээр хүдэлжэ байха сагтаа 1240 тонно сэбэр руда (концентрат) гаргадаг һэн.
Тойрогой Захиргаанай хүтэлбэрилэгшэ Базар Дугаржапов бүлэг сурбалжалагшадтай Шэнэ Орловскын ГОК хүрэжэ, генеральна захирал Юрий Поплавскийтай уулзаһан байна. Базар Самбаевич уулзалгын үедэ кадрова асуудал шиидхэжэ үгэхэ тухай мэдүүлээ. Шэтэ хотын ЗабГУ-гай, горно колледжын, хизаарай Ажалай яаманай, ажалгүйшүүлые ажалаар хангадаг түбэй хүтэлбэрилэгшэдтэй уулзажа, хэлсээ баталха шухала гэжэ хэлэгдээ. Дээдэ ба дунда тусхай һургуулинуудые дүүргэһэн мэргэжэлтэдэй Шэнэ Орловскын ГОК ошожо хүдэлхэ талаар ажал ябуулха хэрэгтэй.
Официальный сайт Всебурятской газеты "Толон"
«Спокойнинский» уурхайда ашагта малтамалнууд олзоборилогдожо, шууяатай болобо
- Информация о материале
- Автор: Эрдэни ЧИМИТДОРЖИЕВ.
- Категория: Экономико
- Просмотров: 94
