Үбэр Байгалай хизаарта урдаа хараха томо дасанууд барандаа урданай баян түүхэтэй юм. Хоёр зуун гаран жэлэй туршада шүтөөнэй газарнууд hалбархашье, hандархашье шатануудта ороо. Гэбэшье, хүн зоной оюун сэдьхэлэй хүсэн булижа, олоной аша оролдолгоор, засаг зургаанай дэмжэлтээр дээрэ нэрлэгдэһэн дасанууд ганса буряад зониие бэшэ, оршон тойронхи арадуудые нэгэдүүлэн, амгалан байдалай түлөө хүгжэн hалбарна. Гурбан дасанай түүхын хуудаhануудые ирахада, байгуулгань үни холын сагһаа эхитэй. Буряадуудай нүүдэл байдалтай байhаниинь эли. Һэеы гэр соо ламанар, албаяа хэдэг байһан. Удангүй Агын талада Ононоо зубшан ажаhуудаг арад зон мүн лэ өөhэдын дасануудтай болоһон түүхэтэй. Сагай ошохо бүри дасанууд hалбаржа, буянта хэрэг үйлэдэжэ, тэрэнээ арьбадхажа байна. Дасан бүхэн эрдэмтэй ламанартай юм. Оршон сагта дасанууд уужам, болбосон түхэлтэй боложол байна бшуу. Жиндагуудаар, hүзэгшэдөөр олон боложо, буддын шажанай эрдэм ухаа, номнол дэлгэрүүлдэг.
Официальный сайт Всебурятской газеты "Толон"
Арад зоноо нэгэдүүлһэн дасанууд
- Информация о материале
- Автор: Эрдэни ЧИМИТДОРЖИЕВ.
- Категория: Нангин шүтөөн
- Просмотров: 21
