Намнанай багша үндэр наhа наhалhан юм. Тэрэ hүүлшын жэлнүүдтээ Сүүгэлэй дасанай шэрээтэ ябаhан. Намнанай ламын ударидалга доро «ЮндэнШодон» субарга Сүүгэлэй дасанай зүүн талада бодхоогдоhон.
Субаргын добжоон шулуугаар хэгдэhэн, энэ болбол нангин шүтөөнэй Алханын hүлдэ тэмдэг мүн. Тэрэнэй үндэрынь 10,8 метр болоно, 6,4 метр үргэнтэй. Сансарын хүрдэ соо эрьелдэжэ байhан эхэ зургаан зүйлэй хоорондо эб найрамдал айладхаhан субарга юм.
Хамалган хашалганай үе соогуур субарга hандаргаагдаhан, 2010 ондо тэрэ hэргээн бодхоогдоо. Тэрэнэй дэргэдэ Алханын Үүдэн сүмэдэл адли хүшөө зогсоно. Жиндагуудай тайлбарилhаар, энэ хүшөө найма тоогоор гороолдог юм. Юуб гэхэдэ, буддын шажантанай ёhоор, найма тоо заха хизааргүйе тэмдэглэдэг.
Валентина ЦЫРЕНЖАПОВА.
