Официальный сайт Всебурятской газеты "Толон"
Жаргалтай наһандаа
- Информация о материале
- Автор: Валентина ЦЫРЕНЖАПОВА.
- Категория: Ниигэм
- Просмотров: 26
Агын тойрогой хүүгэдэй элүүржүүлгын «Нарһан» лагерь заншалта ёһоор үүдэеэ сэлижэ, хүнгэн, солбон наһандаа ябаһан үхибүүдые угтан абаба.
Сэбэр үүлтэрэй моридые үсхэбэрилэгшэ
- Информация о материале
- Автор: Эрдэни ЧИМИТДОРЖИЕВ.
- Категория: Хүдѳѳ ажахы
- Просмотров: 22
Гүйгөөшэ моридые үсхэбэрилэгшэ, адуушан, таряашанай-фермерскэ ажахые даагша Тумэн Жамбалдоржиев Агын Буряадай тойрогто мэдээжэ хүн юм. Гадна тойрогһоо гадууршье тэрэнэй нэрэ дуулаагүй зон хомор гэхэдэ алдуугүй.
Омогорхол түрүүлдэг барилдаашад
- Информация о материале
- Автор: Валентина ЦЫРЕНЖАПОВА.
- Категория: Тамир
- Просмотров: 31
Байгша оной июниин 5-7-до Калининград хотодо дүрэ буляалдаата ба греко-римскэ барилдаагаар шэхэ хатуу тамиршадай хоорондо мүрысөөн үнгэргэгдөө.
«Ба-ра-а, ба-ра даа зай хүйхэрэй мэргэн…!»
- Информация о материале
- Автор: Эрдэни ЧИМИТДОРЖИЕВ.
- Категория: Тамир
- Просмотров: 94
Һур харбаан гээшэ анхан сагһаа угсаата арадаймнай эгээл хүндэтэй үндэhэн наадан байhан юм.
Зунай халуун хаһа буужа, хүйхэрэй мэргэшүүлэй буряад hурша номоор хүдөө талада мүрысэхэ саг ерээ. Эндэ һая Шулуутай нютагай стадионой ногоон талмайда Үбэр Байгалай хизаарай мэргэшүүл буряад эбэр номоор харбажа мүрысөө. Мүрысөөн Россиин арадуудай нэгэдэлэй жэлдэ зорюулагдаһан байна. Агын, Дулдаргын, Могойтын тойрогуудай хоёр-хоёр болон Шэтэ хотын, Забайкальск, Ага тосхонуудай ба Шулуутайн – хамта 10 можо түлөөлһэн тамиршад мэргэнээ элирүүлээ. Хёрхо мэргэнээрээ шалгарһан һуршадай ластии тудахадань, баршадай «Ба-ра-а, ба-ра даа зай хүйхэрэй мэргэн…!» гэжэ барлахые шагнажа байхада, ямар гоёб даа. Можодо харбаһан тамиршад 35, 45 метр зайһаа найман һур табяа. Мэргэшүүлэй эбэр номоороо зураахай руу харбахадань, һур бүлэн, ластии оножо буунад. Заримашуулай һурша харьянашье, дабанашье. Һүүлэй һүүлдэ хёрхо мэргэшүүлэй нэрэнүүд элирээ. Дулдаргын тойрогой можо эгээл мэргэнээрээ шалгаржа, түрүү һуурида гараа. Могойтын тойрогой, Забайкальск тосхоной һуршад хоёрдохи ба гурбадахи һууринуудые эзэлһэн байба. Мүрысөө эмхидхэгшэдэй тэмдэглэһээр, можын харбаан Шулуутай нютагта дэмыдэ үнгэргэгдөөгүй. Энэ нютагһаа мэдээжэ хүйхэрэй мэргэшүүл олон гараһан юм. Агын Буряадай тойрогой Захиргаан, Жамьян-Базар Жанабазаровай, Батомунко Жигжитовэй, Цыбен Рыкцыловэй гэр бүлэнэр, Шулуутай нютагай ажаһуугшад мүрысөө үндэр хэмжээндэ эмхидхэлгэдэ мүнгөөр туһалаа, дэмжээ. Улаан-Үдэ хотодо һаядаа үнгэргэгдэхэ «Алтаргана» нааданай урда тээ эрхим һуршадые шэлэлгын мүрысөөн болоо гээшэ.
Һунгалта - 2026
- Информация о материале
- Автор: SuperUser
- Категория: Ниигэм
- Просмотров: 29
Могойто тосхоной 2202-дохи һунгуулиин участогта дуугаа үгэһэн зоной һанамжануудаар һонирхобобди.
18 наһатай Цырен Дугаров:
- Би түрүүшынхеэ мүнөөдэр һунгабаб. Россиин Федерациин хүн бүхэнэй уялга хадань, ерээдүйнгээ, һайн байдалай түлөө бултантай адли ерэжэ һунгабаб. Ажабайдалдамни энэ хадаа ямар бэ даа шэнэ алхам, харюусалгатай шиидхэбэри гэжэ тоолоноб.
40 наһатай Марина Бальжинимаева:
- Би ажабайдалда эдэбхитэй хандасатайб. Хүн бүхэнэй һунгалтада хабаадалга ехэ шухала гэжэ тоолоноб. Илангаяа Гүрэнэй Дүүмын депутадта хүндэтэй зон – Марина Секержитская, нютаг хүбүүн Балдан Цыдыпов гэгшэд дэбжүүлэгдэад байна ха юм. Гэр бүлөөрөө һунгабабди.
66 наһатай Дашинима Жигмитович Доржиев:
- Би наһанай амаралтада гаранхайб. Гүрэн түрынгөө, арад зонойнгоо ерээдүйн ажабайдал тухайда һанаагаа зобожо, ерэжэ һунгабаб. Бидэ, аха захатан, һунгалтада залууһаа эхилжэ ябаһан, харюусалгатай зон болонобди.
Страница 13 из 283
