Тэдэнэр карантинай гурим сахижа, баг (маска) үмдөөд, хурал, сахюусан хурана. Дасанда дежурна ламада хандажа болохоор юм. Мүн нүгшэһэн хүнэй дүшэ юһэн хоногой тараал хэжэ ябаһан хүнүүд дасан ороод гараха аргатай.
Һаяхан Агын дасанай шэрээтэ Бадма ламхай Жинсрэг үргэл хэжэ, халдабарита үбшэ сараха уншалга бүтээһэн байна.
Хүнүүд вайберай «Агинский дацан» гэһэн бүлэг соо хуралай нэрэ, хэды халуун амин бэ, үргэл тэды гэжэ бэшэхэдэнь, айладхал болгожо, хуралнууд хурагдана.
Мобильна банкаар сүмын сахюусанда – 89248049097 (Бадма Баирович Цыренжапов), хонтоорто бэшүүлэгдэдэг хуралнуудта 89245061616 (Бадма Дашигалсанович Цыбиков) телефоноор үргэлэй мүнгэ оруулхаар юм.
