Золгүй үбгэн
Сэлеэндэ нэгэ үбгэн ажаһуудаг байгаа. Тэрэ дэлхэйн золгүй зоной нэгэн һэн. Бүхы сэлеэн тэрээнһээ эсэшоо: ходо уруу дуруу, гомдолтой, сэдьхэлэйнь байдал муу, ходо дурбигар ябаха. Тэрэ үбгэрхэ бүреэ хэрүүлшэ, үгэнүүдынь хоротой болоно. Хүн зон тэрээнһээ холо байхые оролдохо, ёро муутай байлга халдабаритай ха юм. Тэрэнэй хажууда хүнэй золтой, жаргалтай байха гээшэ тэрэниие доромжолһон шэнги. Тэрэ үбгэн хүн зондо ядарал зоболоной мэдэрэл түрүүлдэг һэн.
Нэгэтэ ная наһа хүрэхэдэнь, үнэншэхөөр бэшэ юумэн болоо. Агшан зуура бүхы тээ иимэ суу тараа: «Үбгэн мүнөөдэр жаргалтай байна, хэндэшье гомдоногүй, миһэржэ байна, нюурыньшье хубилшоо». Бүхы сэлеэнэйхид сугларба. Үбгэнһөө зон һураба:
- Юун болошооб? Ямар шалтагаанһаа?
- Үгы, юуншье болоогүй. Би наян жэл жаргалтай байхые оролдооб, болоошьегүй даа. Жаргалгүйгөөр байна аабзаб даа гэжэ шиидээб. Тиигээд лэ иимэ жаргалтай байнаб, - гэжэ харюусаа бэлэй.
