Бэеын байдал
Бурхан багшатай Ананда арбан жэл суг ажаһуугаа, тиигээд Бурхан багшын бүхэли һүни нэгэшье хүдэлэнгүй, тэрэл зандаа, нэгэ тээшээ хараад унтахыень гайхадаг һэн. Гарнуудыньшье тэрэл һууридаа байдаг һэн ха.
Нэгэтэ Ананда Бурхан багшада хэлэбэ:
- Тантай холбоотой бүхы юумэн намда һонирхолтой байдаг. Би гайхахыса гайханаб: яагаад унтахаа хэбтээбта - тэрэл байдалдаа байнат, иигээд бүхэли һүни хүдэлэнгүй болодог юм гү? Унтана гээшэ гүт, али һэргэг байдаг гүт?
Тиихэдэнь Бурхан багша харюусаба:
- Зүүдэлбэшье, би һэргэг байдагби. Зүүдэлжэ эхилбэ гэлэйб, бүхы бэемни һуларна, тиибэшье би һэргэг зандаа үлэдэгби.
