Арбан нэгэн асуудал
Ямаршье нютаг ерэхэдээ, булан бүхэндэнь Бурхан багша иигэжэ соносодог байһан:
- Намһаа арбан нэгэн асуудал бү һурагты гэжэ гуйха байнаб. Эдэ асуу-далнууд юун тухайб гэхэдэ, бурхан, оюун сэдьхэл, үхэл, ажамидарал, үнэн бодото зүйл г.м.
Зоной «Юундэ?» гэжэ һурахадань, Бурхан багша харюусадаг һэн:
- Юундэб гэхэдэ, харюу үгэхын аргагүй. Харюунуудыень мэдэнэгүй бэшэб, харин, нэгэдэхеэр, энээниие үгөөр ойлгуулхаар бэшэ, хоёрдохёор, энээниие мэдэлгэ ажабайдалые буянтай болгодоггүй, гэгээрүүлдэггүй, гурбадахяар, эдэ асуудалнууд бодото байдал ойлгоодхихын һаалта болохо һүзэг түрүүлдэг. Намһаа сухал тухай, яажа тэрэниие диилэхэб гэжэ һурагты. Хомхой хобдог ябадал, ямар нэгэ хүндэ, али юумэндэ эжэлшэлгэ, хубилалга, ондоо бололго (трансформация) тухай һурагты. Яажа ухаан бодолоо орхёод, бисалгалда орохобиб гэжэ һурагты.
