Хүгшэнэй зула

Нэгэтэ Бурхан багша хада дээрэ номнол уншаха ёһотой байгаа. Багшые үй түмэн хүн хүлеэнэ. Харанхы болоходо, Багшаяа угтаха гэжэ хүн бүхэн зулаяа бадарааба. Нэгэ хүгшэн бэшэнһээ бага, муушаг зула асарһан байба. Зарим зоной наадалан енгэлбэшье, тэрэ зулаяа бэшэ зулануудай хажууда табиба. Зулань тоһоор арайл дүүрэһэн. Хүгшэн үгытэй ядуу һэн, энэ жаахан зула абахын түлөө бүхы зөөриеэ, үһэеэшье худалдаһан байна...

Гэнтэ шанга гэгшээр һалхилжа, тэрэ хүгшэнэйхиһээ бэшэ зуланууд булта бүхэшэбэ. Һалхинһаа тон жаахан зулые бэшэ зуланууд халхалжа, гансал тэрэнэй дүлэн харанхыда гэрэлтэжэ байгаа һэн.

Бурхан багша тэрэ жаахан зула абажа, һубарюулан бүхы зулануудые бадараагаа. Тиигээд хэлээ һэн:
- Нэгэшье ошоной байгаа һаа, этигэл найдал мүхэдэггүй.

You have no rights to post comments