Маршрутна микрик соо ябаһан нэгэ бүһэтэй хүн шанга гэгшээр найтаажархиба. Микроавтобусоор дүүрэн ябаһан зон булта тэрэ хүнһөө холодон, мэгдүүгээр асуубад:
- Коронавирус бэшэ бэзэ?
- Үгы, үгы. Туберкулёз, - гэһэн харюу дуулахадаа, зон һанаагаа амаршаба хэбэртэй. Һууринуудтаа булта һуужа, мүнөөхил телефонууд руугаа оробод.
Нэгэ хүгшэн:
- Мүнөөдэр үйлсэдэ нэгэ бүһэтэй хүнэй нохойтоёо хөөрэлдэжэ байхыень харааб. Тэрэ бүһэтэн ахир ухаандаа «нохоймни хуу ойлгоно» гэжэ һанана гээ-шэ гү даа, барһан. Гэртээ ерээд, энэ ушар тухай миис-гэйдээ хөөрэбэб... удаан энеэлдэбэбди...
Боро хараан болоһон хойно нэгэ эхэнэр хотын сэсэрлиг соогуур гэртээ харижа ябаба ха.
Гэнтэ «Стоять!» гэжэ захирһан абяан дуулдашаба. Эхэнэр байжа үгэбэ. Тэрэ дары «Лежать!» гэжэ сууряатаба. Эхэнэр байһан газартаа хэбтэшэбэ. Тиин сасуугаа «Ползи!» гэхые дуулаад, газараар мүлхижэ оробо.
Удангүй хэн нэгэн дээрэнь ерээд хэлэбэ ха:
- Бэетнай муудашоо гү? Нохойгоо һургажа байтараа, гэнтэ нэгэ юумэнэй обогонохые обёороод дүтэлбэлби...
Урдань, үшөө бага ябахадамнай, маанадые эдеэлхээ орохыемнай оруулжа ядадаг һэн. Мүнөөнэй сагта хүүгэдые газаашань сэбэр агаарта амилхыеньшье гаргаха бэлэн бэшэ болоһон.
Сэсэг, ши турахаяа һанаа бэшэ һэн гүш?
- Би гансал салат эдинэб.
- Ши мяха, колбаса, хартаабха, һархяаг болон майонез худхаалши.
Нэгэ бүһэтэн сэсэрлигһээ хүбүүгээ абахаяа ерэнэ.
- Алиниинь танай хүбүүн бэ?
- Хамаагүй. Үглөөдэр һөөргэнь асарха ха юмбиб.
