Арьяа-Баала – хамаг амитаниие хайрлаха, зобоһондо туһалха бодисада болоно. Тэрэ хамаг амитаниие уйдхар гашуудалһаа аршалхын хажуугаар эди шэдиеэ гаргажа, 108 дахин дүрэеэ хубилгаха хүсэтэй. Манай энээгүүр «Мянган гартай энэрхы сэдьхэлтэй бодисада» гээд хэлэгдэдэг.
Хүшөөдэ һунажа мүргөөд, зүрхэн тарни уншаһан хүнэй энэ наһанайнь ба хойшонхи түрэлэйнь үйлын үрэ сэбэрлэгдэхэ. Маани уншажа байхадаа, ганса өөрынгөө түлөө бэшэ, харин хамаг амитанай түлөө зальбархань шухала.

You have no rights to post comments