- Бадма ламхай, 2023 он ямар үйлэ хэрэгүүдээр хадуугдааб?
   - Агын дасан «Азиатская буддийская конференция за мир» (АБКМ) гэһэн Азиин гүрэнүүдэй буддын шажантанай уласхоорондын эмхиин үндэһэтэнэй түбынь болодог. Россидамнай үндэһэтэнэй хоёр түб бии – Ивал-гын ба Агын дасануудта. Эдэ хоёр дасан АБКМ-эй гэшүүд юм. Хамба лама Дамба Аюшеев – АБКМ-эй вице-президент, Үбэр Байгалай хизаараар дид хамба Цырен Дондукбаев – гэшүүн. Мүн Цырен ламхай «Агинский дацан» гэһэн үндэһэтэнэй түбэй президент болоно. Үнгэрэгшэ жэлэй ноябрь һарада дид хамба Цырен Дондукбаев Энэдхэгэй түб Нью-Дели хотодо оршодог уласхоорондын буддын шажанай конфедерациин вице-президентээр томилогдоо һэн. Энэ хадаа уласхоорондын ехэ эмхи юм. Вице-президент болохо гээшэ ехэ харюусалга болоно.
   Агын Буддын шажанай академиин 30 жэлэй ойн баярай хэмжээ ябуулга намар үргэн хэмжээндэ үнгэргэгдөө. Тиихэдэ эрдэмэй-дүршэл абалгын хуралдаан болоо һэн.
   - Дулаан Бараан гэжэ газарта Арын 13 ноёдой мунхан рамнайлагдаа һэн...
   - Тиигээ. Буряад Уласай хойто аймагуудай арад зон эдэбхитэйгээр хабаадаа, илангаяа баргажанайхид ехээр оролдоо. 13 ноёдой нэгэниинь Бархан уула Баргажанда ха юм. Бидэ тэндэһээ ерэһэн хадаа тахина гээшэбди.

You have no rights to post comments