2008 ондо Дариев Дондок лама Агын дасанда шэрээтэ Бадма ламхайн хажууда хубараг болоhон юм. Тэрэ гэһээр арбан зургаан жэлэй туршада санаартанай буянта алба хэнэ. Тэрэ бэшэ хубарагуудтай хамта Агын Буддын шажанай академидэ орожо, буддын шажанай гүн ухаанай, түбэд хэлэнэй грамматикын үндэhэ hууритай танилсаа юм. Шойро үзэхэнь бэлэн бэшэ эрдэм, гүнзэгыгөөр бодомжолжо, элдэб орёо мэдэсэнүүдэй нюуса тайлбарилжа hураа. Буддын шажанай академидэ дүрбэн жэл hураад, Агынгаа дасанда алба хэжэ эхилээ. Удангүй һахилда хүртөө. Һахилайнь нэрэ Тугдум Монлам юм.
Шойрын һургуули дүүргэһэн
Дондок ламын намтартай танилсуулхада, Агын аймагай Хүнхэр нютагта түрэһэн. Айлай табан хүүгэдэй одхон болоно. Дунда һургуулиин һүүлээр сэрэгэй алба хааһан байна. Бага ябахадаа, хубараг болохоб гэжэ нэгэшье һанаагүй. Наһаа хүсэжэ, бүдүүн болоод, санаартан болохоёо эрид шиидээ һэн. Зориһон шиидхэбэриеэ эжыдээ хэлэхэдэнь, хүбүүгээ дэмжээ. Буддын шажанай шойро һайнаар үзэхын тула санаартан үдэр бүри маани мэгзэм уншадаг, дасан гороолдог болоо. Арам ламада заалгажа, жабты табижа һураа. Шэрээтэ Бадма ламхайһаа жабты табиха эрхэдэ – Лүндэ хүртэһэн байна.
Эрдэни ЧИМИТДОРЖИЕВ.