Агын тойрогто баригдаһан тамирай олон талмайнуудта адли Хара-Шэбэрэй талмай баһал тамирай олон янзануудаар бэеэ һорихо гэһэн үүргэтэй. Хэмжүүрынь гэхэдэ, 30 метр утатай, 20 метр үргэнтэй болоно. Зунай халуунһаа, үбэлэй хүйтэнһөө, һалхи шуурганһаа болон саһаар хушагдабашье, тус талмай муудаха ёһогүй, һайнаар, бүхөөр хэгдэнхэй.
Тамирай талмайн барилга «Спорт – норма жизни» гэһэн түлэблэлэй ашаар бүтэбэ. Энээндэ дүн хамта 2 сая 800 мянган түхэриг һомологдоһон байна.
